Адкрыты другі набор на адукацыйную праграму!

З 20 верасня да 1 кастрычніка вы можаце запоўніць адмысловую форму для запісу на адукацыйныя курсы Social Camp. Пасля адбору заявак каманда скантактуецца з усімі аплікант_камі, і ўжо ў кастрычніку мы распачнем заняткі анлайн.

У гэтым годзе мы вырашылі падзяліць адукацыйную праграму на два семестры. Першы распачнецца ў кастрычніку і скончыцца ў студзені 2024 года і будзе складацца з наступных курсаў:

• Крытычнае мысленне, аргументацыя і дэбаты (пачатак у кастрычніку, курс для самастойнага праходжання)
• Сацыяльная экалогія (пачатак у кастрычніку)
• Перамовы (пачатак у лістападзе)
• Маральныя дылемы 21-га стагоддзя (пачатак у лістападзе)
• Правы чалавека ў эпоху дыджыталізацыі і міграцый (пачатак у лістападзе)
• Ад салідарнасці да справядлівага грамадства (пачатак у снежні)

Усе курсы выкладаюцца анлайн на платформе Moodle і доўжацца паўтары месяцы кожны. Пасля завяршэння і паспяховага выканання фінальных заданняў на некаторых курсах удзельні_цы атрымаюць электронныя сертыфікаты.

Другі семестр распачнецца ў студзені 2024 года. Запіс на курсы другога семестра будзе адкрыты ў снежні. Апісанне ўсіх курсаў праекта вы можаце знайсці на старонцы Адукацыя.

Дасылайце спасылку сябрам і знаёмым, каму таксама можа быць цікава наша прапанова!

Калі ў вас узнікнуць пытанні наконт запісу, пішыце нам: Socialcamp-Belarus@goethe.de

З павагай,
каманда Social Camp