Стартаваў апошні набор на ментарынг

З 26 лютага па 10 сакавіка запрашаем усіх жадаючых запоўніць адмысловую форму. Пасля адбору заявак каманда звяжацца з кожн_ай кандыдат_кай, каб паведаміць аб выніках і запрасіць адабраных менці на наступны этап праграмы.

Як працуе ментарынг?

Галоўным чынам, усё пачынаецца з матывацыі. Вы пішаце нам праз кантактную форму, распавядаеце крыху пра сябе і свой прафесійны/навучальны досвед, а таксама пра тое, што вы спадзяецеся атрымаць у рамках праграмы ментарынгу. Магчыма, вы ўжо ведаеце, з кім маневіта з пула нашых ментараў і ментарак хацелі б папрацаваць.

Калі вы можаце прапанаваць іншых экспертаў і экспертак, чый досвед і веды будуць вам асабліва карысныя, абавязкова напішыце нам пра гэта!

Пасля апрацоўкі вашай анкеты з вамі звяжацца прадстаўніца каманды Social Camp і запрапануе кандыдат_ку на ролю ментар_кі, а таксама час для магчымай pre-match сустрэчы. Калі вы зразумееце, што эксперт ці экспертка – менавіта той/тая, хто вам зараз патрэбен, пачнецца праца ў фармаце рэгулярных сустрэчаў (афлайн і/або анлайн). Фармат ментарынгу можа змяняцца ў залежнасці ад запыту менці: дэталі будуць агаворвацца ў індывідуальным парадку.

Больш інфармацыі пра нашую праграму ментарынгу вы знойдзеце вось на гэтай старонцы.

Калі ўзнікнуць пытанні наконт запісу, напішыце нам: Socialcamp-Belarus@goethe.de

Чакаем вашых заявак!

З любоў’ю,
каманда Social Camp