Партфоліа праекта «MentalYouNited»

Філіп – беларускі актывіст і стваральнік праекта ‪MentalYouNited па падтрымцы людзей з нейраадметнасцямі, такімі як СДЎГ, аўтызм і дыслексія.

Ён ведае пра гэтыя асаблівасці не толькі з даследаванняў і размоваў, але і з уласнага досведу: за часоў вучобы ў школе яму паставілі дыягназ СДЎГ, і гэта пэўным чынам паўплывала на ягоны шлях. А цяпер сам Філіп дапамагае тым, хто шукае падтрымку і разуменне сваіх асаблівасцяў: арганізоўвае анлайн-кампаніі і праекты, якія тлумачаць, чаму нейраразнастайнасць – важная.

Нейраадметныя людзі напэўна ёсць і ў вашым жыцці. Паглядзіце гэтую кароткую прэзентацыю ініцыятывы і падпішыцеся на праект у сацсетках, каб прапампаваць свае здольнасці беражлівай камунікацыі ды пашырыць кругагляд.