Пра праект
Social Camp
Адукацыйна-ментарынгавы праект для беларусаў і беларусак, зацікаўленых у развіцці краіны і сувязях з ёй, незалежна ад месца жыхарства. Мы адукуем, дапамагаем кантактамі і робім усё магчымае, каб вашы ідэі ажыццяўляліся.
Наша мэта
Стварыць бяспечную прастору для адукацыі і садзейнічаць абмену досведам паміж беларусамі і беларускамі ў розных краінах, падтрымліваць ініцыятывы і праекты, накіраваныя на развіццё лакальных суполак.
Наша місія
Узмацніць гарызантальныя сувязі ўнутры беларускага грамадства. Менавіта для беларускай супольнасці ў Беларусі і па-за яе межамі і быў прыдуманы Social Camp.
Якім чынам ажыццяўляецца праект?
Social Camp складаецца з некалькіх паралельных "трэкаў":
адукацыйнага
навучанне анлайн па сістэме Liberal Arts
ментарынгу
амбен ведамі і досведам, пошук і пашырэнне кантактаў
мікрагрантынгу
праграма падтрымкі праектаў
Апроч гэтага па матывах Social Camp будзе створаны "банк ідэй", а ўдзельнікі і ўдзельніцы праекта аб’яднаюцца ў клубе выпускнікоў.
Праект беларусаў для Беларусі
Мы прыдумалі Social Camp дзеля далейшага развіцця якаснай нефармальнай адукацыі і падтрымкі адкрытага дыялога ў беларускім грамадстве. Узаемапавага і дапамога – тыя каштоўнасці, на якіх мы будуем праект.
Паўдзельнічаць у Social Camp могуць любыя беларусы і беларускі, якія маюць ідэю ўласнага грамадскага праекта і хочуць наблізіцца да яго рэалізацыі. І нават калі вы проста адчуваеце прагу да новых ведаў або шукаеце натхнення для свайго прафесійнага развіцця, праект Social Camp – для вас.
Social Camp – гэта праект Еўрапейскага Саюза, які рэалізуецца Гётэ-Інстытутам ў Варшаве і іншымі партнёрамі.
