Ад салідарнасці да справядлівага грамадства*

Курс выкладае Вольга Шпарага, кандыдатка філасофскіх навук, запрошаная даследчыца Інстытута гуманітарных навук (IWM) у Вене.

Чаму салідарнасць важная як агульначалавечая практыка і як гэтая практыка мянялася на працягу гісторыі і асабліва апошніх дзесяцігоддзяў? Чаму размову пра салідарнае і справядлівае грамадства мы пачнем з паняцця чалавечай годнасці? Чаму сёння мы пашыраем паняцце годнасці на іншых жывых і нават нежывых істот? Справядлівае грамадства – гэта ўтопія ці жаданая і дасягальная рэальнасць? 

У рамках дадзенага курса мы разам будзем шукаць сэнс паняццяў годнасць, салідарнасць і справядлівае грамадства. Важным пры гэтым будзе не толькі праца з невялікімі фрагментамі тэкстаў філосафаў і сацыёлагаў, але і зварот да ўласнага вопыту, яго аналіз і сумеснае абмеркаванне, а таксама яго прывязка да сучаснай Беларусі і нашага рэгіёна, ахопленага вайной.

У рамах навучання на курсе студэнт_кі змогуць:

• занурыцца ў сучасныя сацыяльна-гуманітарныя дыскусіі аб годнасці чалавека і іншых жывых і нежывых істот, салідарнасці і справядлівасці;
• разабрацца ў гэтых паняццях і навучыцца абгрунтавана абмяркоўваць іх з іншымі;
• змясціць гэтыя паняцці ў кантэксты свайго індывідуальнага і калектыўнага жыцця.