Сторытэлінг: тэорыя і практыка*

Сторытэлінг – гэта такі  метад камунікацыі з аўдыторыяй, які задзейнічае майстэртсва расказваць гіторыі. Ён дазваляе ствараць сугестыўныя, эмацыйныя, пераканаўчыя публічныя выступы, прэзентацыі, тэксты, якія трымаюць увагу глядача ці чытача і фармуюць яго ці яе стаўленне да пастаўленай праблемы.

Што такое «добрая гісторыя» і як навучыцца яе ствараць? Як расказаць аб місіі вашага праекта з дапамогай сторытэлінгу? І як будзе выглядаць гісторыя, напісаная на аснове вашага асабістага досведу актывізму, фармавання каштоўнасцяў, грамадзянскай пазіцыі?

На гэтам курсе мы  будзем засвойваць канкрэтныя прыёмы сторытэлінгу і будаваць тэксты з іх улікам.  А таксама выконваць розныя арт-практыкі і творчыя заданні і разам пераадольваць «унутранага крытыка» і «страх чыстага ліста», калі яны перашкаджаюць вам пісаць.    

Цягам курса кожн_ая зможа атрымаць асабісты вопыт канструявання тэксту, пабудаванага на гісторыі, і напісаць свой тэкст. Лепшыя з іх будуць апублікаваны на нашым сайце і абавязкова знойдуць свайго чытача.

У якасці прыкладу і для натхнення чытайце артыкул Ганны Шагурынай "Маё смецце вандруе больш за мяне! Адна гісторыя эка-актывізму", які Ганна напісала як выніковую работу па курсу “Сторытэлінг: тэорыя і практыка” у мінулым навучальным цыкле.