Сацыяльнае прадпрымальніцтва

Сацыяльныя прадпрымальнікі або, як іх часта называюць, "сацыяльныя інаватары" прапануюць новыя, больш устойлівыя рашэнні для сацыяльных і экалагічных праблем грамадства, выкарыстоўваючы бізнес-мадэлі для дасягнення станоўчага эфекту.

Наша мэта – пазнаёміць вас з прынцыпамі сацыяльнага прадпрымальніцтва, а таксама дапамагчы вызначыць сацыяльную ці экалагічную праблему, зразумець кантэкст, у якім яна існуе, распрацаваць рашэнне і спланаваць эфектыўную рэалізацыю гэтай ідэі.

У рамках курса вы:

• пазнаёміцеся з асновамі сацыяльнага прадпрымальніцтва, яго драйверамі, моцнымі бакамі і рызыкамі;

• даведаецеся, як сацыяльнае прадпрымальніцтва суадносіцца з сацыяльнай эканомікай (не блытаць з сацыялізмам!) і пры чым тут інавацыі;

• зразумееце, як разлічваюць і кіруюць сацыяльным эфектам, даведаецеся пра імпакт-інвестараў і асноўныя тэндэнцыі развіцця сацыяльнага прадпрымальніцтва ў свеце і ў Беларусі;

• даведаецеся аб этапах развіцця сацыяльнага бізнесу – ад выпрацоўкі і верыфікацыі ідэі да стварэння мінімальнага жыццяздольнага прадукта і першых продажаў;

• зразумееце, чаму важная каманда, дзе шукаць фундатараў і партнёраў, якія якасці развіваць у сабе, як у прадпрымальні_цы, а якія працэсы лепш дэлегаваць;

• навучыцеся выкарыстоўваць інструменты, якія дапамогуць вам зэканоміць рэсурсы, праверыўшы патэнцыял вашай бізнес-ідэі і запатрабаванасць вашага будучага прадукта;

Самыя ўпартыя ўдзельні_цы змогуць скласці бізнес-план свайго праекту.