Адукацыйны цыкл выходзіць на фінішную прамую

Віншуем усіх з Новым годам і дзякуем тым, хто ў святочны час даслаў свае анкеты на ўдзел у курсах!

На мінулым тыдні каманда Social Camp скончыла прымаць заяўкі на адукацыйную праграму. У гэтым годзе мы закрыем адукацыйны цыкл нашага праекту пяццю курсамі, якія распачнуцца ў анлайне ўжо ў палове студзеня і скончацца ў красавіку. Пасля адбору заявак, які скончыцца цягам бліжэйшых дзён, усе кандыдат_кі будуць паінфармаваныя пра вынікі адбору і наступныя крокі праз электронную пошту.

Першымі ў зімова-вясновым семестры пачнуцца курсы «Сацыяльны праект: ад ідэі да рэалізацыі» Святланы Зінкевіч і «Адвакацыя» Валдзіса Фугаша.

Увага! Набор на ментарынг яшчэ адкрыты. Інфармацыю пра тое, як працуе ментарынг, а таксама анкету ўдзельні_цы вы знойдзеце на адмысловай старонцы на сайце.

Плённага Новага году!