Робаэтыка

Перыяд курса

сакавік-красавік

Свет стаіць на парозе рэвалюцыі – рэвалюцыі робатаў. Аўтаномныя і “разумныя” робаты стануць часткай чалавечай супольнасці, што пацягне за сабой драматычныя змены сацыяльных адносін. Робаты-слугі, робаты-кампаньёны, робаты-інтымныя партнёры, робаты-калегі, робаты-лекары, робаты-салдаты – гэта толькі некаторыя з роляў, якімі людзі будуць надзяляць і ўжо надзяляюць свае творы.

Інтэграцыя робатаў у сацыяльнае жыццё ставіць складаныя, перш за ўсё, этычныя пытанні, як перад вытворцамі, так і перад “спажыўцамі”. Як запраграмаваць робата для прыняцця рашэнняў у этычна неадназначных сітуацыях? Ці можна вырабляць якіх заўгодна робатаў для якіх заўгодна мэт? Ці павінны за робатамі быць прызнаныя пэўныя правы? Ці можа ўладальнік робата звяртацца з ім як са сваёй уласнасцю? Ці павінны абмяжоўвацца дзеянні людзей у адносінах да робатаў? Ці варта чалавецтву баяцца “паўстання машын”?

Курс носіць дыскусійны характар, і ў якасці асноўнага метаду будзе выкарыстоўваць разумовыя эксперыменты. Мадэлюючы магчымыя сітуацыі, удзельні_цы будуць шукаць (не)канчатковыя адказы на этычна (не)вырашальныя пытанні, аналізаваць фільмы і літаратурныя сюжэты і спрабаваць знайсці ледзь заўважальную мяжу паміж уяўленнем і рэальнасцю.

Некаторыя ключавыя тэмы і пытанні курса:

Што такое робат? У чым адрозненне робатаў ад іншых аўтакратаў?
Ці павінны і/ці могуць робаты мець правы?
Як запраграмаваць мараль? Маральная машына MIT. Праблема ваганеткі.
Робаты-слугі, робаты-гадаванцы, робаты-партнёры, робаты-спадарожнікі жыцця.
Ці можа робат клапаціцца аб людзях? Ці можна робату клапаціцца аб людзях?
Абяцанне прафесара Громава. Ці можа робат стаць чалавекам? Моцны штучны інтэлект.

Фільмы, рэкамендаваныя да прагляду: