Founded by the European Union

Ментарынг – гэта пра падтрымку

Распавядаем пра працэс ментарынга и поспехі пар «менці – ментар_ка»

Ментарынг – гэта пра падтрымку

У нашым праекце працуюць 25 пар «менці – ментар_ка». І паколькі некаторыя з іх ужо набліжаюцца да фіналу супрацоўніцтва, мы вырашылі расказаць аб іх поспехах і аб працэсе ў цэлым.

Некалькі слоў аб працэсе

Пары «менці - ментар_ка» сустракаюцца ў зручным для іх фармаце: часцей за ўсё анлайн, але ёсць і такія, каму геаграфія дазваляе сустракацца на сесіі афлайн. Як правіла, гэта сустрэчы з загадзя агаворанымі задачамі раз на два тыдні. Такі рытм дазваляе менці выконваць заданні і пакідае час на рэфлексію. Ініцыятыва – а менавіта мэты, задачы, жаданне і гатоўнасць ісці да пастаўленых мэтаў - зыходзіць ад менці, гэта цалкам яго / яе поле адказнасці.

Ментар_ка аказвае падтрымку, падказвае, дапамагае ў фармуляванні наступных крокаў і задач. Адным словам, гэты чалавек побач, калі неабходны дапамога і падказка.

Аднак ментарынг – гэта не толькі пра матывацыю і пастаноўку задач, але і пра паважлівую, камунікацыю, за кошт якой і ствараецца прастора даверу. Дарэчы, мы рыхтуем да публікацыі невялікі гайд па ментарынгу, які хутка будзе апублікаваны на сайце Social Camp. У ім мы пастараліся сабраць карысныя рэкамендацыі для тых, хто плануе выступіць ментар_кай у будучыні альбо хто б хацеў больш даведацца аб адрозненнях ментарынгу ад, да прыкладу, коўчынга.

Над чым працуюць менці?

Усё вельмі індывідуальна. Хтосьці мае патрэбу ў падтрымцы пры напісанні праектных заявак, хтосьці шукае прафесійную параду, працуючы над уласным сайтам.

Вось прыкладны спіс пытанняў, з якімі да нас звяртаюцца менці:

  • Як скласці праектную заяўку? Дзе знайсці прыдатны грант?
  • Я хачу стварыць падкаст. З чаго пачаць?
  • Я хачу рабіць грамадска-культурныя мерапрыемствы. Якія ёсць інструменты? Як планаваць такую працу і дзе шукаць каманду?
  • Як правільна развіваць кантакты ў новым творчым асяроддзі?


...і гэта далёка не ўвесь спектр запытаў. У Social Camp звяртаюцца беларусы і беларускі з жаданнем развіваць свой уласны творчы праект (запускаць падкаст, зрабіць выставу ці серыю мерапрыемстваў) ці паспрабаваць свае сілы ў сацыяльным прадпрымальніцтве. Мы імкнемся падабраць для іх дасведчанага ментара або ментарку, які(ая) змог/змагла б дапамагчы менці рэалізаваць свае амбіцыі.

Гэта няхуткі працэс, але ў нас ёсць першыя вынікі: некалькі менці склалі заяўкі на грантавую падтрымку сваіх праектаў, стартаваў падкаст на экалагічную тэматыку, некалькі чалавек працуюць над публікацыяй сайтаў-візітак сваіх праектаў. А яшчэ некалькі чалавек атрымалі парады па адаптацыі ў новай краіне пражывання, што таксама вельмі важна.

Калі вас зацікавіў ментарынг і вы ведаеце, у падтрымцы па якім пытанні вы маеце патрэбу, напішыце нам!

Мінігрантынг: дзесяць праектаў падтрыманыя
19 каст 2023

Мінігрантынг: дзесяць праектаў падтрыманыя

Улетку мы абвяшчалі закрыты конкурс праектаў для ўдзельні_ц праграм адукацыі і ментарынгу. Распавядаем, якія праекты атрымалі фінансавую падтрымку.

Чытаць цалкам Чытаць цалкам
Маё смецце вандруе больш за мяне!
17 вер 2023

Маё смецце вандруе больш за мяне!

Адна гісторыя экаактывізму

Чытаць цалкам Чытаць цалкам
Вітаем у Social Camp!
30 каст 2022

Вітаем у Social Camp!

Гётэ-Інстытут у Варшаве рады абвясціць аб пачатку Social Camp – новага праекта Еўрапейскага саюза.

Чытаць цалкам Чытаць цалкам