Партфоліа праекта «Зялёны тэлефон»

Уявіце сабе, што якасць вады ў вашым доме рэзка пагоршылася. Або пад вашымі вокнамі высякаюць дрэвы, і вы не ведаеце, што рабіць. «Зялёны тэлефон» — адзін з пераможцаў конкурсу праектаў Social Camp — створаны менавіта для такіх сітуацый: каб кансультатыўна дапамагаць беларус_кам у вырашэнні розных праблем, звязаных з экалогіяй.

«Зялёны тэлефон» – гэта бясплатная інфалінія, на якую можна звярнуцца па тэлефоне або анлайн – праз сацыяльныя сеткі, бот у Тэлеграме або адмысловую форму на сайце greenphone.help. У праекта таксама ёсць свой TikTok-канал @mikrazielanina – інфарматыўны і вясёлы. Сеня, яго стваральніца і галоўны твар, з гумарам распавядае пра «экалагічную інфалінію» і ўласныя звычкі ўстойлівага жыцця.