Другі конкурс эсэ

Паважаныя выпускнікі і выпускніцы Social Camp!

Каманда праекта запрашае вас прыняць удзел у другім конкурсе эсэ і пісьмова паразважаць на наступную тэму: Што такое сучасная “беларускасць”?

Што для вас, вашых сваякоў, сяброў і сябровак азначае прыналежнасць да беларускага, да “беларускасці”? Ці звязаны гэты канцэпт з фізычным месцам (домам), з мовай, культурным асяроддзем альбо гістарычным паходжаннем? Што вызначае “беларускасць” у сітуацыі геаграфічнай адлегласці ад краіны і ці магчыма адчуваць адлегласць, знаходзячыся ўнутры Беларусі? Як тэхналогіі ўплываюць на “беларускасць”?

Чаму варта прыняць удзел у нашым конкурсе?  

Па-першае, каб развіваць навыкі пісьма і крытычнага мыслення. Па-другое, каб падзяліцца сваімі думкамі з намі і аўдыторыяй праекту Social Camp. І нарэшце, каб пазмагацца за прыз – каштоўны, густоўны і цалкам прыемны. (:

Калі і куды дасылаць свае працы?

Конкурс стартуе сёння, 17 траўня. Дэдлайн – 10 чэрвеня 2024 г. да 18.00 па Мінску.

Эсэ дасылайце на адрас Socialcamp-Belarus@goethe.de з пазнакай “конкурс эсэ”. Аб'ём тэкстаў – ад 8 да 12 тысяч знакаў з прабеламі. Мова – беларуская ці руская.

! Калі ласка, звярніце ўвагу, што конкурс носіць закрыты характар: да ўдзелу запрашаюцца толькі ўдзельні_цы нашага праекта, не дзяліцеся інфармацыяй з трэцімі асобамі.

У вас засталіся пытанні? Напішыце ў групе або на пошту, указаную вышэй.

Вельмі чакаем вашых тэкстаў і запрашаем пачытаць эсэ пераможцаў мінулага конкурсу на нашым сайце (тэг “студэнцкія працы”).

З павагай,
Social Camp